2 may 2014 19:22
Yuri Syomin: Müqaviləmiz var, rəhbərliklə normal münasibətdəyik, işimə davam edirəm
“Qəbələ”nin baş məşqçisi Yuri Syomin TPL-in 33-ci turu çərçivəsində komandasının səfərdə “Neftçi”yə qarşı keçirdiyi oyunu (2:1) şərh edib. Azerisport.az xəbər verir ki, Syomin bunları söyləyib:
“Gərgin oyun oldu. “Neftçi”yə əvvəlki oyunlarda məğlub olmuşduq. Turnir cədvəli baxımından bu gün qalib gəlmək vacib idi. Oyunun sonluğunu yaxşı bitirdik. Rəqibin oyunçusu Karlos Kardoso ilə problem yaşamadım, futbolda belə şeylər olur. Kubokun finalına hələ çox qalıb. Ayın 7-də növbəti çempionat oyunumuz var, hazırda onu düşünürəm. Rəqiblə bu mövsüm artıq 4 dəfə qarşılaşmışıq, bir-birimizdən gizlətməli heç nəyimiz yoxdur. Gözəl oyun olacaq, əsas odur ki, azarkeşlər tribunaları doldursun. Mənim istefam haqqında rəhbərliklə heç vaxt söhbətimiz olmayıb. Müqaviləmiz var, rəhbərliklə normal münasibətdəyik, işimə davam edirəm”.
(PFL)
