2 may 2014 14:00
Kazbek Tuayev: Lənkəran azarkeşləri qarşısında danışılmış oyun oynamaq çətin olar
AFFA İcraiyyə Komitəsinin üzvü Kazbek Tuayev azerisport.az saytına açıqlamasında yarış cədvəli nöqteyi-nəzərindən mübahisə doğuran və bu məqsədlə AFFA-nın xüsusi komissiyasının təyin edildiyi TPL-in 33-ci turu çərçivəsində keçiriləcək “Xəzər Lənkəran” - “Rəvan” oyunu haqda fikirlərini bildirib:
“Azərbaycanda danışılmış oyunlar var. Ancaq bunları sübut etməyə hüquq-mühafizə orqanları qol qoymasa, sübut etmək çətindir. Mən Lənkəranda işləmişəm və oranın azarkeşlərini tanıyıram. Onların qarşısında hoqqabazlıq etmək çətin olacaq. Onlar lap yəqin, hiss edəcəklər”, deyə Kazbek Tuayev vurğulayıb.
Qeyd edək ki, meydan sahibləri üçün xalların xüsusi əhəmiyyəti yoxdur. Ancaq qonaqlar son pilləni tərk etmək üçün üç xala xüsusilə böyük ehtiyac duyur. Əks halda, “Rəvan” növbəti mövsümdə Birinci divizionda mübarizə aparmalı olacaq.
