Qarabağın qapıçısı dünya çempionatına aparılacaq

"Qarabağ"ın qapıçısı İbrahim Şehiç Bosniya və Herseqovina yığmasının dünya çempionatına aparılacaq heyətində yer alacaq. Azerisport.az xəbər verir ki, bu barədə "Reuters" agentliyinin müxbiri Zoran Mirosavleviç məlumat yayıb.

Onun fikrincə, Şehiç bu komandanın 23 nəfərlik heyətinə daxil ediləcək. Belə olacağı halda Ağdam klubunun qolkipri Azərbaycan klublarından mundiala aparılan ilk futbolçu kimi futbolumuzun tarixinə düşəcək.

Maraq üçün bildirək ki, bu yay Braziliyada keçiriləcək dünya çempionatında Bosniya və Herseqovinanın qrup mərhələsindəki ilk rəqibi Argentina olacaq. Şehiçin komandasının digər rəqibləri isə İran və Nigeriyadı.