27 aprel 2014 20:11
Güvənc Kurtar: Rəqib oyunumuzu yaxşı öyrənmişdı
“Rəvan”ın baş məşqçisi Güvənc Kurtar TPL-in 32-ci turu çərçivəsində keçirilmiş oyunda komandasının səfərdə AZAL-la 0:0 hesablı heç-heçəsini şərh edib. Azerispoirt.az xəbər verir ki, Kurtar bunları söyləyib:
“Bizim üçün çox vacib oyun idi. Kubokda mübarizəni dayandırdıqdan sonra bütün fikrimizi çempionata yönəltmişik. Qələbə qazanmaq istəyirdik, təəssüf ki, alınmadı. Hər iki komandanın qol imkanları oldu. AZAL son zamanlar yaxşı çıxış edir. Qarşımızda 4 oyun var, hamısında da qələbə qazanmaq üçün oynayacağıq. Oyundan oyuna daha yaxşı çıxış edəcəyik. Hər iki komandanın futbolçularını göstərdikləri oyuna görə təbrik edirəm. Rəqib bizim oyunu yaxşı öyrənmişdı. Sapelanın kubok oyunundan sonra zədəsi var idi, Kamal Bayramovun da yaxşı oynadığını düşünürəm”.
(PFL)
