27 aprel 2014 18:40
Yuri Syomin: Yeni oyunçular özlərini yaxşı tərəfdən göstərdilər
“Qəbələ”nin baş məşqçisi Yuri Syomin PFL-in 32-ci turu çərçivəsində keçirilmiş oyunda komandasının öz meydanında “Simurq” üzərində qələbəsini (1:0) şərh edib. Azerisport.az xəbər verir ki, Syomin bunları söyləyib:
“Bizim üçün çox çətin oyun idi. Çünki, iki gün öncə kubokun yarımfinalında ağır oyun oynadıq. Əsas heyətdə dörd yeni oyunçuya şans verdik, onlar da kifayət qədər yaxşı oynadı. Lakin oyunun sonlarına yaxın gücümüz çatmadı. Nəticədən və futbolçularımın meydanda gördüyü işdən razıyam. Subotiçi sarı vərəqə almaması üçün ikinci hissədə meydana buraxdım. Cərimə zərbəsi vurularkən Ebesilio ilə ikisi topun yanında dayansa da, vaxtı uzatdığına görə sarı vərəqə məhz Subotiçə göstərilir. O, növbəti oyunu buraxacaq. Vərəqənin niyə məhz ona göstərildiyini başa düşmürəm”.
(PFL)
