27 aprel 2014 01:30
Adriano Folya: Arazda qalmaq istəyirəm
Futzal üzrə UEFA kubokunda III yer uğrunda keçirilmiş “Kayrat” - “Araz” oyunundan (4:6) sonra komandamızın futzalçısı, görüşün ən yaxşı oyunçusu Adriano Folya oyun haqda fikirlərini azerisport.az saytına bildirib:
“Azarkeşlərə təşəkkür edirəm. Bu dəstək sayəsində komandamız oyuna köklənib qələbə qazandı. Üçüncü yer də, pis nəticə deyil”, deyə Folya sözə başlayıb.
Futbolçu vurduğu iki qol haqda fikrini açıqlayıb: “Buna çox şadam. Komanda yoldaşlarım və azarkeşlərə minnətdaram. Oyundan sonra hətta fəxri dövrə vurdum. Tamaşaçılar oyun və qələbəyə görə təbrik etmək istəyirdilər”.
Folya qarşılaşmanın ən yaxşı oyunçusu seçilməsinə və futbol millimizin baş məşqçisi Berti Fots tərəfindən mükafatlandırılmasına münasibətini bildirib: “Əlbəttə, bu mükafatı qazanmaq xoş idi. Bunu dünya futbolunun əfsanəsi, Avropa və dünya çempionu Foqtsun əllərindən qəbul etmək isə ikiqat sevincli idi”.
Folyo özünü “Araz”da gördüyünü də gizlətməyib: “Mən “Peskara”ya məxsusam və mövsümün sonunda icarə müqaviləm başa çatır. Ancaq mən “Araz” da qalmağımın əleyhinə deyiləm. Görək, hər şey necə alınacaq”.
