Barselona çempion, Araz 3-cü oldu
Bu gün Bakıda təşkil olunan futzal üzrə UEFA Kubokunun Dördlər finalına yekun vurulub. Azerisport.az xəbər verir ki, son oyun günündə öncə üçüncü yer uğrunda, daha sonra isə final matçı baş tutub.
"Sərhədçi" Sərhədçi İdman Olimpiya Mərkəzinin meydanına öncə Azərbaycan çempionu "Araz" və Qazaxıstanın "Kayrat" klubları çıxıb. Yarımfinalda müvafiq olaraq İspaniya "Barselona"sı və Rusiya "Dinamo"suna uduzan bu komandalar UEFA Kubokunun bürünc medalları uğrunda mübarizə aparıblar. Kifayət qədər məhsuldar və gərgin keçən görüşü Azərbaycan təmsilçisi qalib başa vurub.
Final oyununda isə "Araz"ı çətinliklə məğlub edən "Barselona" ilə "Dinamo" üz-üzə gəlib. Bu qarşılaşma da kifayət qədər maraqlı alınıb. Sonda isə qələbə İspaniya təmsilçisinə qismət olub. Nəticədə, "Barselona" UEFA Kubokunun qalibi, "Dinamo" ikinci, "Araz" isə üçüncü olub.
UEFA Kuboku
Dördlər Finalı
26 aprel
3-cü yer uğrunda oyun
ARAZ - KAYRAT - 6:4 (0:2)
Qollar: Baron, 16 (0:1), Fumasa, 18 (0:2), Amadeu, 27 (1:2), Foqlia, 28 (2:2), Kafe, 30 (2:3), Foqlia, 32 (3:3), Fumasa, 34 (3:4), Fabiano, 37 (4:4), Auqusto, 39 (5:4), Eduardo, 39 (6:4).
ARAZ: 12. Popov, 3. Fabiano, 15. Rafael, 18. Auqusto, 10. Foqlia.
Ehtiyat oyunçular: 1. Buranello, 2. Periç, 5. Felipe, 6. Eduardo, 7. Çujeç, 9. Amadeu, 14. Borisov (k), 20. Məmmədkərimov.
KAYRAT: 2. İquita, 6. Joan, 9. Fumasa, 10. Leo, 20. Baron.
Ehtiyat oyunçular: 1. Xalyavin, 8. Suleymenov (k), 14. Euler, 5. Jamankulov, 7. Penqrin, 11. Rubinyo, 15. Kafe, 16. Kayo Junior.
Final
DİNAMO - BARSELONA - 2:5 (1:0)
Qollar: Romulo, 10, Tatu, 33 - Qabriel, 23, Dyeqo, 30, Fernandao, 41, Lozano, 50, Sedano, 50.
DİNAMO: 12. Qustavo, 3. Romulo, 4. Raximov (k), 11. Çirilo, 18. Fernandinyo.
Ehtiyat oyunçular: 1. Poddubnı, 5. Kobzar, 6. Tatu, 8. Nando, 10. Pula, 15. Paulinyo, 7. Fukin, 14. Suşilin.
BARSELONA: 14. Paço Sedano, 2. Aykardo, 8. Lin, 9. Lozano, 13. Vilde.
Ehtiyat oyunçular: 1. Kristian, 15. Çema, 3. Torras (k), 5. Qabriel, 6. Fernandao, 7. Dyeqo, 10. İqor, 11. Saad, 19. Adrian Orteqo.
