22 aprel 2014 17:33
Ürfan Abbasov: Sevincdən hara qaçacağımı da bilmirdim
Ürfan Abbasov Qəbələdə keçirdiyi 63-cü oyununda ilk qolunu vurub. Azerisport.az xəbər verir ki, Premyer Liqanın XXXI turu çərçivəsində keçirilən "Rəvan"-"Qəbələ" matçında fərqlənən müdafiəçi klub tarxinə rəqib qapısına yol tapan 84-cü futbolçu kimi düşüb.
Abbasov Premyer Liqada fərqlənən 62-ci Qəbələlidir. İlk qolun təəssüratlarını gabalafc.az-la bölüşən Abbasov bu hissi yaşadığına görə çox sevincli olduğunu deyib:
"Mənim üçün çox yaddaqalan oyun oldu. Qalib gəldik, ilk qolu vurmaq nəhayət ki, qismət oldu. Müdafiədə oynadığıma görə çox irəli çıxmaq, qol epizodlarında yer almaq imkanım olmur. Amma bu dəfə irəli çıxdım və Subotiçdən gözəl ötürmə aldım. Yekun zərbəm dəqiq alındı. Qoldan sonra çox sevindim, hətta hara qaçacağımı da bilmirdim. Mənim üçün çox həzzverici və həyəcanlı an idi. İnanıram ki, gələcək oyunlarda da belə şanslar yaxalayıb komandama kömək edəcəyəm".
(Klub saytı)
