21 aprel 2014 17:48
Neftçi rəhbərliyi Sumqayıta məğlubiyyətə görə komandanı tənqid edib
Bu gün “Neftçi” klubunda iclas keçirilib. Azerisport.az xəbər verir ki, növbədənkənar iclasa səbəb, “Flaqman”ın TPL-in 31-ci turunda “Sumqayıt”a məğlubiyyəti (1:3) olub.
Klub rəhbərliyi komandanı sərt şəkildə tənqid edib və vəziyyəti nizamlamağı tapşırıb. Ölkə Kubokunda uğursuz çıxış təqdirində komandaya qarşı sanksiyalar qaçılmaz olduğu da açıqlanıb.
Həmçinin, klub rəhbərliyi ölkə Kubokunun yarımfinal mərhələsinin cavab oyununa qədər komandaya KİV-lə əlaqələrə qadağa qoyub.
