21 aprel 2014 17:00
Marat İzmaylov: KİV-lə danışmaq istəmirəm, az danışmaq, çox iş görmək lazımdır!
Qəbələ”nin yarımmüdafiəçisi Marat İzmaylov azerisport.az saytına açıqlamasında TPL-in 31-ci çərçivəsində “Rəvan”a qarşı oyunun ikinci hissəsində əvəzlənməsinə münasibətini bildirib:
“Heç bir zədəm yox idi. Məşqçi məni sadəcə, taktiki düşüncəsinə görə oyundan aldı. Mənim üçün komandada hər şey yaxşıdır. Müsahibəyə gəlincə, bu məqamda mən mətbuatla çox da danışmaq istəmirəm. Kubokda “Xəzər Lənkəran”a qarşı oyunu sarı vərəqələr həddini aşdığım üçün buraxacağam. Bu oyunda iştirak edəcək kəslərin danışması düz olardı. Rusiya və Portuqaliyadan mənə tez-tez zənglər olur. Çalışıram ki, heç kimlə söhbətləşməyim. İndi komandanın işləri axarına düşür. Bu ruhda davam etmək istəyirik. Az danışmaq, çox iş görmək lazımdır”.
