15 aprel 2014 11:44
Millimiz qələbə qazandı
Çimərlik futbolu üzrə Azərbaycan milli komandasının Belarusun Mozır şəhərində təlim-məşq toplanışı təşkil olunub. Azerisport.az xəbər verir ki, toplanış çərçivəsində millimiz 3 yoldaşlıq oyunu keçirib.
Belarus yığmasına qarşı keçirilmiş ilk oyun 5:2 hesabı ilə yerli komandanın xeyrinə yekunlaşıb. Millimizin qollarını Sabir Allahquluyev və Orxan Məmmədov vurub. Bu komandalar arasında növbəti qarşılaşma isə heç-heçə yekunlaşıb - 3:3. Belarus yığmasının qapısından topları Zeynal Zeynalov, Amid Nəzərov və Sabir Allahquluyev keçirib.
Millimizin toplanış çərçivəsində son rəqibi Belarusun ARZ komandası olub. Komandamız Sabir Allahquluyev, Asif Zeynalov, Zeynal Zeynalov və Hikmət Bağırovun vurduğu qollar sayəsində bu oyunda 4:2 hesabı ilə qələbə qazanıb.
(AFFA)
