12 aprel 2014 20:00
Böyükağa Hacıyev: Qələbə qismətimizdə deyildi
“Neftçi”nin baş məşqçisi Böyükağa Hacıyev PFL-in 30-cu turu çərçivəsində keçirilmiş oyunda komandasının səfərdə “İnter”ə məğlubiyyətini (1:2) şərh edib. Azerisport.az xəbər verir ki, Hacıyev bunları söyləyib:
“Gərgin oyun oldu. Komandalar bir-birini yaxşı tanıyır. Oyunda üstünlük bizdə idi, top dirəkdən qayıdırsa, deməli, qələbə qismətimizdə deyildi. “İnter” ilk hissədə qol epizodu yaratmadı. Bundan sonra ikincilik uğrunda mübarizə “Neftçi” və “İnter” arasında gedəcək. “Bakı” və “Qəbələ” bu gün xal itirərək ikincilik uğrunda yarışda bizdən geri qalırlar. Əsas məqsədimiz, qarşıdakı oyunlarda qələbə qazanıb mövsümü ikinci yerdə bitirməkdir. Bütün komandalar, eləcə də “İnter”, “Neftçi”yə qarşı başqa tərzdə köklənirlər. Rəşad Sadiqov oyunda əlindən gələni etdi. Oyundan sonra videoyazıya baxıb oyunçularla söhbət edəcəyəm”.
(PFL)
