12 aprel 2014 18:00
Tərlan Əhmədov: Komandanın qarşısına uduzmamaq tapşırığı qoyulmuşdu
AZAL-ın baş məşqçisi Tərlan Əhmədov PFL-in 30-cu turu çərçivəsində keçirilmiş oyunda komandasının səfərdə “Qəbələ” ilə heç-heçəsini (0:0) şərh edib. Azerisport.az xəbər verir ki, Əhmədov bunları söyləyib:
“Bilirdik ki, ağır oyun olacaq. Rəqib həm Premyer Liqada, həm də kubokda mübarizə aparır. Oyunumuzu dəyişən, lider futbolçumuz yoxdur. Gənc oyunçularımız azdır, Cavid Tağıyevin də oynamaması bizə müəyyən problemlər yaratdı. Komandanın qarşısına uduzmamaq tapşırığı qoyulmuşdu. Son 20 dəqiqədə üstünlüyü rəqibə verdik. Komanda meydanda mübarizə apardı, futbolçular bir-birinə kömək elədilər, bun görə təşəkkürümü bildirirəm. Çox ağır yükün altına girmişik, bizim üçün mübarizə indi başlayır. Öz imicimiz üçün oynamalıyıq. Heyətlə bağlı çatışmazlıqlarımız var. Qol imkanlarından soyuqqanlılıqla istifadə edə bilmirik. Bunların üzərində işləyirik, çalışacağıq ki, qalan 6 turda qələbə qazanaq. Rəqibin oyununu və heyətini təhlil etmişdik. İqbekoyinin sürətini və rəqibin müdafiədəki boşluqlarını nəzərə alıb onu hücumda oynatdıq”.
(PFL)
(PFL)
