10 aprel 2014 13:11
Millimiz FIFA reytinqində ən yüksək göstəricisinə imza atdı
Millimiz FIFA-nın reytinq cədvəlində tarixinin ən yüksək göstəricisinə imza atıb. Azerisport.az xəbər verir ki, aprel ayı üçün reytinq cədvəlində millimiz ötən ayla müqayisədə 29 xal çox toplayıb, altı pillə yüksəlib və 398 xalla 85-ci pillədə qərarlaşıb.
Xatırladaq ki, buna qədər millimizin FIFA reytinqində ən yüksək göstəricisi ötən ilin oktyabrında yüksəldiyi 88-ci pillə idi.
Millimiz reytinq cədvəlində AÇ-2016-nn təsnifat mərhələsinin “H” qrupunda rəqiblərimizdən yalnız Maltanı qabaqlayır: İtaliya 9-cu (1115 xal), Xorvatiya 20-ci (871 xal), Norveç 56-cı (551 xal), Bolqarıstan 73-cü (460 xal), Malta 127-ci (204 xal) pillədə qərarlaşıb.
Keçmiş Sovet İttifaqı ölkələrindən reytinq cədvəlində ən yüksək pilləni Ukrayna tutur: 17-ci pillə, 913 xal. Rusiya 18-ci (903 xal) pillədə qərarlaşıb. Ermənistan 33-cü (750 xal), Özbəkistan 53-cü (577 xal), Belarus 83-cü (404 xal) sırada yer alıb və millimizi qabaqlayırlar. Estoniya (93; 366), Moldova (99; 325), Gürcüstan (103; 303), Litva (104; 293), Latviya (109; 273), Qazaxıstan (118; 235), Tacikistan (133; 188), Qırğızıstan (147; 143) və Türkmənistan (156; 119) isə millimizdən alt sıralarda qərarlaşıb.
Türkiyə 711 xalla 39-cudur.
Qarşıdakı yoldaşlıq görüşündəki rəqibimiz ABŞ isə 1015 xalla 13-cüdür.
Azərbaycanla yanaşı, 122-ci pillədə qərarlaşmış Əfqanıstan FIFA reytinqində ən yüksək göstəricisinə imza atıb.
Ayın ən yaxşı komandası 15 pillə irəliləmiş Şotlandiya millisi olub. 22 pillə geriləmiş Liberiya millisi isə ayın ən pis göstəricisinə imza atıb.
İlk onluq isə belə sıralanıb:
İspaniya (1460 xal), Almaniya (1340 xal), Portuqaliya (1245 xal), Kolumbiya (1186 xal), Uruqvay (1181 xal), Argentina, Braziliya (hər biri: 1174 xal), İsveçrə (1161), İtaliya (1115), Yunanıstan (1082).
