4 aprel 2014 17:13
Flavio Bek Junior sözlərinin təhrif edildiyini açıqladı
"İnter"in futbolçusu Flavio Bek Junior komandada oynamamasına dair dediyi sözlərin təhrif olunaraq oxuculara təqdim edildiyini bildirib. Azerisport.az xəbər verir ki, o, klub saytına müsahibəsində öz meneceri ilə "İnter"in baş məşqçisi Kaxaber Sxadadze arasında hər hansı bir problemin olmadığını və sosial şəbəkə vasitəsi ilə ünvanlamış suallara cavabında sözlərin doğru anlaşılmadığını vurğulayıb:
"Orada yazılan məlumat həqiqəti eks etdirmir. Demək istərdim ki, bir neçə ay əvvəl mənə sosial şəbəkələrin birində bir jurnalist tərəfindən bir neçə sual ünvalanıb. Baş məşqçimiz və menecer haqda da sual var idi. Həmin jurnalist mənim cavabımı doğru şəkildə oxuculara təqdim etməyib. Mən elə bir söz deməmişəm. Ümumiyyətlə, bu söhbətdən sonra 4-5 ay vaxt keçib və mənə maraqlıdı ki, niyə mənim sözlərim təhrif olunaraq, məhz indi oxucuların diqqətinə təqdim edilib?
