4 aprel 2014 16:33
Tərlan Əhmədov: Hər halda, Qurban Qurbanov çempion komandası yaradıb
AZAL-ın baş məşqçisi Tərlan Əhmədov azerisport.az saytına açıqlamasında komandasının TPL-in 29-cu turu çərçivəsində “Qarabağ”a qarşı keçirəcəyi oyun barədə fikirlərini bildirib:
“Biz bu mövsümdə artıq heç nəyə iddia etmirik. Yerdə qalan səkkiz oyunda bacardıqca çox xal toplamağa çalışacağıq. Rəqibimiz çoxdan arzusunda olduğu çempionluğa yaxındır. Hər halda, Qurban Qurbanov çempion komandası yaradıb. Oyundan oyuna artırırlar. Bizi çətin oyun gözləyir. Futbolçularım öz potensialını göstərməlidir. Qarşıdakı oyunlar komandada kimin qalacağını, kimin gedəcəyini göstərəcək. Nəticəyə gəlincə, təbii ki, qələbə qazanmaq istəyirik”.
