3 aprel 2014 14:44
Qəbələ və Xəzər Lənkəran 11-ci dəfə üz-üzə gələcək
TPL-in 29-cu turu çərçivəsində “Xəzər Lənkəran” və “Qəbələ” arasında keçiriləcək oyun bu komandalar arasında Lənkəranda baş tutacaq 11-ci görüş olacaq. Azerisport.az xəbər verir ki, “radarlar”ın Lənkəranda yeganə qələbəsi beş il əvvələ təsadüf edir (2:1).
Digər tərəfdən, son üç görüşdə “gəmiqayıranlar” rəqibini məğlub edə bilməyib və hər üç görüş heç-heçə başa çatıb. 10 ev oyununun 9-da Mustafa Dənizlinin yetirmələri qol vura biliblər. Maraqlıdır ki, yeganə “quru oyun” məhz Dənizlinin dövrünə təsadüf edir.
Xatırladaq ki, “Xəzər Lənkəran” - “Qəbələ” görüşü aprelin 5-i 18:00-da Lənkəran şəhər stadionunda baş tutacaq.
