Əsgər Abdullayev: Estafeti davam etdirəcəyimizə inanıram
Aprelin 5-də 1-ci divizionun 24-cü turunda "Araz Naxçıvan" doğma arenada "Neftçala"nı qəbul edəcək. Azerisport.az xəbər verir ki, qarşıdakı oyunla bağlı "qırmızı-ağlar"ın baş məşqçisi Əsgər Abdullayev klubun rəsmi saytına açıqlama verib. O, Neftçala təmsilçisinə ilk dövrədəki məğlubiyyətdən də danışıb:
"İlk dövrədə keçirdiyimiz oyunda xeyli qol imkanını əldən verdik və məğlub olduq. Bu səhvləri qarşıdakı matçda təkrarlamamağa çalışacağıq. Biz çempionat ərzində bütün oyunlara eyni tərzdə hazırlaşmışıq. "Neftçala" matçı da istisna deyil. Çünki biz rəqiblər arasında fərq qoymuruq: istər "Göyəzən" olsun, istərsə də "Neftçala". Əsas olan komandamın qələbə qazanmasıdı. Bu görüşün bizim üçün əhəmiyyəti qələbə qazanıb çempionluq yolunda daha bir addım atmaqdan ibarətdi. Cari mövsümdə doğma arenada məğlub olmamışıq. Bu estafeti qarşıdakı matçda da davam etdirəcəyimizə inanıram".
