2 aprel 2014 16:40
Kamran Quliyev: Sumqayıt TPL-in son pilləsini tərk etməlidir
“Sumqayıt”ın prezidenti Kamran Quliyev azerisport.az saytına açıqlamasında mövsümün yekunlarına görə TPL komandalarından birinin turniri tərk edəcəyi ilə bağlı mümkün ehtimalı şərh edib:
“AFFA rəhbərinin sözlərini sakit qəbul etdim. Bu, normaldır. Heç bir komanda arxayınlaşmamalı idi. Futbolçular üçün bu, əlavə stimul olacaq. Bəli, hazırda “Sumqayıt” turniri tərk etməyə əsas namizəddir. Döyüşsüz lap yəqin, təslim olmayacağıq. 9-cu pillədən yuxarı artıq yüksələ bilmərik. Ancaq son pilləni isə mövsümün sonuna qədər tərk etməliyik”, deyə Kamran Quliyev bildirib.
“Əməkhaqqı və mükafatlara gəlincə, ötən mövsüm maliyyə çətinliklərimiz olub. Ancaq 2014-cü ilin başlanması ilə bu məsələdə hər şey qaydasındadır. Ayın ortalarına qədər futbolçular hər ötən ayın əməkhaqqını alırlar. Komanda həmçinin, “Neftçi” üzərində qələbə və “Bakı” ilə heç-heçəyə görə mükafatları alıb”.
