2 aprel 2014 01:00
Abışovdan başqa, hamı oynayır!
Görünür, Azərbaycan yığmasının yarımmüdafiəçisi Ruslan Abışçovun “Rubin”dəki karyerası sona çatmaq üzrədir. Azerispoirt.az xəbər verir ki, futbolçu məşqçi qərargahının ona olan münasibətindən narazıdır.
Son məşqlərin birində isə Abışov ümumi qrupdan ayrı məşq etməkdən imtina dərək, meydanı vaxtından əvvəl tərk edib.
Ancaq Abışovu Kazana gətirən Qurban Berdıyevi əvəzləmiş “Rubin”in yeni baş məşqçisi, Renat Bilyaletdinov əvvəlcə, futbolçuya pis münasibət bəsləmirdi. Hətta Antalyada Berti Foqtsla görüşmüş və yaxşı danışdığı almancada dialoq da aparmışdı. Abışov iki yoxlama oyununda iştirak etmiş və hər dəfə Kazana yeni ümidlərlə yollanmışdı.
Ancaq komandanın məşqlərinin birində “Rubin”in əsas heyətinə düşməkdən ümidi üzülmüş Abışov, necə deyərlər, “özündən çıxdı”.
“Bütün Sotsqorod müdafiəçinin butslarını ataraq, məşqdən getməsini müzakirə edir. Bu, məşqçi qərargahının komandaya “Abışovdan başqa, hamı oynayır!” əmrini verdikdən sonra baş vermişdi.
İlk baxışdan, Abışovun “Rubin”ə keçidi Qurban Berdıyevin transfer dövrünün özünəməxsus hadisəsi idi. Azərbaycan çempionatından heç kimin tanımadığı bir “adsız”, müdafiə modelinin vurğununun şəxsi dəvəti ilə Kazana buyurur. Ancaq hər şey belə sadə deyildi. Abışov “Rubin”də səbirlə öz şansını gözləyərkən, Almaniya yığmasını AÇ-96-da zəfərə daşımış Berti Foqts onu yığmada müdafiənin kənar daşı qismində istifadə edirdi.
Vətəndə Abışova mədhiyyələr oxuyurlar və onun necə zor olduğunu deyirlər. Kazanda isə onun gələcəyi - skamyadır. Şaronov, Burlak mərkəzdə, Nabiullin Kuzminlə cinahlarda və limit şərtləri altında yer aldığı bir halda, Abışova heyətdə yer almağa ümid etmək, lazım belə gəlmir. Ancaq oynamaq istəyir, yaş da ən münasibdir - 26 yaş. Bizim məlumatlarımıza görə, “Rubin” müdafiəçiyə qiymət də qoyub - 400 min avro”, fikirlərini “Sport kak on yest” nəşri səsləndirib.
İndi Ruslanın karyerasını harada davam etdirəcəyi sualı əsasdır. O, Azərbaycana qayıtmaq istəmir və bunu dəfələrlə vurğulayıb. Ancaq onun başqa seçiminin olmaması tamamilə mümkün ola biləcək bir haldır. Xüsusən, Abışovun oyun təcrübəsinin yoxluğundan şəxsən Foqtsun özü çox narazıdır.
