1 aprel 2014 17:00
RFI Syominin Tavriyanı çalışdırmasının arzusundadır
Ukrayna KİV-i bildirib ki, “Qəbələ”nin baş məşqçisi Yuri Syomin Krımın “Sevastopol” komandasını çalışdıra bilər. Azerisport.az xəbər verir ki, NovostiUA.net maraqlı açıqlama ilə gündəmə gəlib:
“Tavriya” və “Sevastopol nəinki ünvanı, həmçinin baş məşqçilərini də dəyişə bilər. Artıma hazırlaşan Rusiya futbol ittifaqı Krım klublarını Ukrayna futbolunun xüsusiyyətlərinə bələd olan etibarlı əllərə vermək istəyir. Söhbət bu ilin yayında “Tavriya” və “Sevastopol”u çalışdıra biləcək Valeri Qazzayev və Yuri Syomindən gedir.
Qazzayev və Syomin Ukrayna futboluna yaxşı bələddirlər. Hər iki mütəxəssis yaxın keçmişdə Kiyev “Dinamo”sunda işləyib. RFİ təxmin edir ki, “Sevastopol”u Qazzayev çalışdıracaq. “Tavriya” isə yaxın vaxtlarda Azərbaycanın “Qəbələ” komandasının baş məşqçisi vəzifəsini tərk edəcək Syominə tapşırılacaq.
“Tavriya” və “Sevastopol”un mütləq məşqçilərinin müqaviləsi ilə bağlı maliyyə təminatını “Qazprom” üzərinə götürməyə hazırdır. Rusiya şirkətinin klubların həyat fəaliyyətinin də maliyyə dəstəyini təmin edəcəyi istisna deyil.
Xatırladaq ki, əvvəllər “Sevastopol”un baş məşqçisi olmuş Anqel Çervenkov bildirib ki,Krımdakı vəziyyət üzündən “Tavriya”nın baş məşqçisi Nikolay Kostov kimi, o da çox güman ki, mövsümün sonunda yarımadanı tərk edəcək”.
