"Belə getsə, mövsümün sonunda futbolçuların çoxundan imtina olunacaq"

AZAL-ın baş məşqçisi Tərlan Əhmədov Topaz Premyer Liqasının 28-ci turu çərçivəsində "Sumqayıt"a qarşı keçirdikləri oyunu şərh edib. Azerisport.az xəbər verir ki, "təyyarəçilər"in çalışdırıcısı 1:2 hesabıyla bitən qarşılaşmadan sonra bunları söyləyib:

“Komanda ikinci dövrədə ümumiyyətlə iki xal toplayıb. Çətin psixoloji durumdayıq, bundan çıxmaq lazımdı. Bir neçə futbolçuda istək hiss olunur, amm çoxu istəksiz oynayır. Bunun səbəbini araşdıracağıq. Komanda artıq uduzmağa alışır, əcnəbi futbolçular əvvəlki futbolu oynamırlar. İstək olmasa, rəqabətdə irəli gedə bilmərik. Görünür ki, bəzi futbolçular bu rəqabətə hazır deyil. Müdafiədən bu cür səhvləri gözləmirdim. Belə getsə, mövsümün sonunda futbolçuların çoxundan imtina olunacaq”.