28 mart 2014 13:13
Kostner Eratdan narazı qaldı
Düsseldorf “Fortuna”sının baş məşqçisi Lorenz-Günter Kostner qeyd edib ki, Almaniya İkinci Bundesliqası çərçivəsində “Qroyter Fyurt” komandasına qarşı oyunda (1:4) komandasının yarımmüdafiə xətti Azərbaycan yığmasının yarımmüdafiəçisi Tuğrul Erat da daxil olmaqla, etibarsız oynayıb. Azerisport.az xəbər verir ki, Kostner bunları söyləyib:
“Oyunçularımdan tam iş əmsalı və “İnqolştadt”la qarşıdakı oyunda iradə nümayiş etdirməyi gözləyirəm. Son oyunda bizim yarımmüdafiə xəttimiz heç də ən yaxşı futbolu göstərmədi”, deyə Kostner İvan Paureviç, Kristian Qartner, Ben Halloran və Tuğrul Erat kimi gənc futbolçuları nəzərdə tutub.
“Futbolçular “Fyurt”dan alınmış məğlubiyyəti keçmişdə qoymalıdır”, deyə Kostner fikrini tamamlayıb.
(Almaniya KİV-i)
