27 mart 2014 11:22
Vüqar Nadirov: Qəbələ ilə görüş, həm də kubok matçındakı məğlubiyyətin revanşı olacaq
"Qarabağ"ın futbolçusu Vüqar Nadirov azerisport.az saytına müsahibəsində “Sumqayıt” üzərində qələbədən, Premyer Liqanın növbəti turunda “Qəbələ” ilə keçiriləcək görüşdən danışıb:
- Qarabağ son görüşlərdə böyükhesablı qələbə ilə diqqəti cəlb edir. Rəqiblər zəif oynayır, yoxsa Qarabağ güclənib?
- Rəqiblərə zəif deməzdim. Sadəcə, “Qarabağ” yaranan qol şanslarından maksimum faydalanmağa çalışır. “Sumqayıt” üzərində 3:0 hesablı qələbəyə baxmayaraq, rəqib çox yaxşı mübarizə apardı. Təsadüfi deyil ki, 70 dəqiqə qol vura bilmədik. Yalnız görüşün son 20 dəqiqəsində hesabı açdıq və qələbə üçün lazım olan qolları vurduq. Məşqçilər bizdən qələbə tələb edir. Çox qol vurun, deyən yoxdur. Futbolçular hər qol şansını dəyərləndirməyə çalışır.
- Növbəti turda rəqib Azərbaycan Kubokunda məğlub olduğunuz “Qəbələ” olacaq. “Qarabağ” bu görüşün favoritidir...
- Azərbaycan çempionatında aşkar favorit olmur. “Qəbələ” ötən mövsümlə müqayisədə çox güclənib. “İnter”ə 1:4 hesablı məğlubiyyət sizi aldatmasın. “Qəbələ” də adi komanda deyil. Dodo, Mendi və Ebesilio kimi yüksək səviyyəli legionerləri var. “Qəbələ” kubokda yarımfinala vəsiqə qazandı. Çempionatdakı görüş asan olmayacaq. Bizi yalnız 3 xal razı salacaq.
- “Qəbələ” ilə görüş “Qarabağ” üçün həm də Azərbaycan kubokundakı məğlubiyyətin əvəzini çıxmağa imkan verəcək...
- Bu görüşə revanş prizmasından da yanaşmaq olar. Əlbəttə, bu görüş məğlubiyyətin əvəzini çıxmağa şərait yaradır. Amma “Qarabağ” olaraq, revanş barədə düşünmürük. Bizim üçün əsas, hər görüşdə qələbə qazanmaqdır. 10 xal irəlidə olmağımız, unudulmuş üstünlükdür. Son tura qədər qələbə qazanmaqla layiqli çempion olmaq istəyirik.
- Amma “Qarabağ” “qızıl dubl” edə bilməyəcək. "İki cəbhədə" yarışa bilmədiniz...
- Deməzdim ki, gücümüz çatmadı. Sadəcə, alınmadı. “Qəbələ” cavab matçında daha rahat oynadı. Digər tərəfdən, şansları dəyərləndirmədik. Komanda kimi mübarizə aparıb qələbə qazanırıq. Məğlubiyyət zamanı komanda kimi oyunumuz alınmadı. “Qəbələ”yə uduzmağımız artıq tarixdir. Bizi çempionatda çətin görüşlər gözləyir.
- Böyükağa Hacıyev deyib ki, “Qarabağ” 3 tur uduzsa, onda çempionluq uğrunda mübarizəyə qoşulmaq olar. Sizi nə vaxt təbrik etmək mümkün olacaq?
- Bizi təbrik etmək çox tezdir. Məgər mükafat qazanmışıq? Son tur başa çatandan sonra lider pilləni qorusaq, onda təbrik edərsiniz. Hələlik “Qarabağ” hər növbəti oyuna hazırlaşacaq. Hadisələri qabaqlamayaq. Qarşıda 9 tur var. Bu isə 27 xal deməkdir. Bu oyunlardan sonra turnir cədvəlində çox şey dəyişə bilər. “Qarabağ” 1-ci pilləni təmin etməyib. Ona görə hər oyuna qələbə istəyi ilə çıxırıq.
- Çoxları deyir ki, !Qarabağ! artıq intriqanı öldürüb...
- (gülür) Əgər intriqa ölsəydi, biz hər tur bu qədər maraqlı oyun izləməzdik. Çempionatın kulminasiya nöqtəsi yaxınlaşır. Hər tur 2-3 mərkəzi görüş olur. Bütün klublar “Qarabağ”ı saxlamağa çalışır. Fikrimcə, intriqa ölməyib. Komandamız 10 xal irəlidə olsa da, bu, hələ çempionluq demək deyil. Çempionluq 36 turdan sonra məlum olacaq.
- “Qarabağ” çempion olsa, avrokuboklarda tələb böyük olacaq. Azarkeşlər heç olmasa, Avropa Liqasının qrup mərhələsinə düşməyinizi istəyəcək...
- “Qarabağ” bir neçə dəfə Avroliqanın pley-off mərhələsinə qədər irəliləyib. Bizdən daha böyük nəticə istəyəcəklər. Amma bu barədə danışmaq hələ tezdir. Biz ilk öncə çempion olmalıyıq. Bundan sonra avrokuboklar barədə düşünə bilərik.
- Qarabağ son görüşlərdə böyükhesablı qələbə ilə diqqəti cəlb edir. Rəqiblər zəif oynayır, yoxsa Qarabağ güclənib?
- Rəqiblərə zəif deməzdim. Sadəcə, “Qarabağ” yaranan qol şanslarından maksimum faydalanmağa çalışır. “Sumqayıt” üzərində 3:0 hesablı qələbəyə baxmayaraq, rəqib çox yaxşı mübarizə apardı. Təsadüfi deyil ki, 70 dəqiqə qol vura bilmədik. Yalnız görüşün son 20 dəqiqəsində hesabı açdıq və qələbə üçün lazım olan qolları vurduq. Məşqçilər bizdən qələbə tələb edir. Çox qol vurun, deyən yoxdur. Futbolçular hər qol şansını dəyərləndirməyə çalışır.
- Növbəti turda rəqib Azərbaycan Kubokunda məğlub olduğunuz “Qəbələ” olacaq. “Qarabağ” bu görüşün favoritidir...
- Azərbaycan çempionatında aşkar favorit olmur. “Qəbələ” ötən mövsümlə müqayisədə çox güclənib. “İnter”ə 1:4 hesablı məğlubiyyət sizi aldatmasın. “Qəbələ” də adi komanda deyil. Dodo, Mendi və Ebesilio kimi yüksək səviyyəli legionerləri var. “Qəbələ” kubokda yarımfinala vəsiqə qazandı. Çempionatdakı görüş asan olmayacaq. Bizi yalnız 3 xal razı salacaq.
- “Qəbələ” ilə görüş “Qarabağ” üçün həm də Azərbaycan kubokundakı məğlubiyyətin əvəzini çıxmağa imkan verəcək...
- Bu görüşə revanş prizmasından da yanaşmaq olar. Əlbəttə, bu görüş məğlubiyyətin əvəzini çıxmağa şərait yaradır. Amma “Qarabağ” olaraq, revanş barədə düşünmürük. Bizim üçün əsas, hər görüşdə qələbə qazanmaqdır. 10 xal irəlidə olmağımız, unudulmuş üstünlükdür. Son tura qədər qələbə qazanmaqla layiqli çempion olmaq istəyirik.
- Amma “Qarabağ” “qızıl dubl” edə bilməyəcək. "İki cəbhədə" yarışa bilmədiniz...
- Deməzdim ki, gücümüz çatmadı. Sadəcə, alınmadı. “Qəbələ” cavab matçında daha rahat oynadı. Digər tərəfdən, şansları dəyərləndirmədik. Komanda kimi mübarizə aparıb qələbə qazanırıq. Məğlubiyyət zamanı komanda kimi oyunumuz alınmadı. “Qəbələ”yə uduzmağımız artıq tarixdir. Bizi çempionatda çətin görüşlər gözləyir.
- Böyükağa Hacıyev deyib ki, “Qarabağ” 3 tur uduzsa, onda çempionluq uğrunda mübarizəyə qoşulmaq olar. Sizi nə vaxt təbrik etmək mümkün olacaq?
- Bizi təbrik etmək çox tezdir. Məgər mükafat qazanmışıq? Son tur başa çatandan sonra lider pilləni qorusaq, onda təbrik edərsiniz. Hələlik “Qarabağ” hər növbəti oyuna hazırlaşacaq. Hadisələri qabaqlamayaq. Qarşıda 9 tur var. Bu isə 27 xal deməkdir. Bu oyunlardan sonra turnir cədvəlində çox şey dəyişə bilər. “Qarabağ” 1-ci pilləni təmin etməyib. Ona görə hər oyuna qələbə istəyi ilə çıxırıq.
- Çoxları deyir ki, !Qarabağ! artıq intriqanı öldürüb...
- (gülür) Əgər intriqa ölsəydi, biz hər tur bu qədər maraqlı oyun izləməzdik. Çempionatın kulminasiya nöqtəsi yaxınlaşır. Hər tur 2-3 mərkəzi görüş olur. Bütün klublar “Qarabağ”ı saxlamağa çalışır. Fikrimcə, intriqa ölməyib. Komandamız 10 xal irəlidə olsa da, bu, hələ çempionluq demək deyil. Çempionluq 36 turdan sonra məlum olacaq.
- “Qarabağ” çempion olsa, avrokuboklarda tələb böyük olacaq. Azarkeşlər heç olmasa, Avropa Liqasının qrup mərhələsinə düşməyinizi istəyəcək...
- “Qarabağ” bir neçə dəfə Avroliqanın pley-off mərhələsinə qədər irəliləyib. Bizdən daha böyük nəticə istəyəcəklər. Amma bu barədə danışmaq hələ tezdir. Biz ilk öncə çempion olmalıyıq. Bundan sonra avrokuboklar barədə düşünə bilərik.
