23 mart 2014 20:00
Böyükağa Hacıyev: Oyunun gərgin keçəcəyini bilirdim
“Neftçi”nin baş məşqçisi Böyükağa Hacıyev PFL-in 27-ci turu çərçivəsində keçirilmiş oyunda komandasının səfərdə “Rəvan” üzərində 1:0 hesablı qələbəsini şərh edib. Azerispoirt.az xəbər verir ki, Hacıyev bunları söyləyib:
“Hər iki hissədə rəqib qapısına hücumlar təşkil etdik. Lakin cəmi 1 qol vura bildik. 1-0 “sürüşkən” hesabdır, oyunun sonlarında hər şey ola bilərdi. “Rəvan” son kubok oyununda “Bakı”ya qalib gəldiyi üçün daha istəkli idi. Bu səbəbdən də oyunun gərgin keçəcəyini bilirdim. Vacib 3 xalı qazandıq. Cavid İmamvediyev əvvəlki oyunlara nisbətən daha çox nəzərə çarpırdı. Potensialı daha yaxşı oynamağa imkan verir. Bahodır Nasimov əzələsini dartdı, tibbi müayinədən sonra dəqiq diaqnozu bilinəcək. Rəşad Sadiqov əvəzedici komandada oynamağa başlayıb, aldığım məlumata görə, yaxşı oynayır. İnanıram ki, sıralarımıza qayıdacaq. Amma “Xəzər Lənkəran”la oyunda heyətdə olacağı gözlənilmir”.
(PFL)
