18 mart 2014 11:55
TPL-in 26-cı turu - İnter üçün acı tur
Topaz Premyer Liqasının 26-cı turu bir sıra məqamlarla yadda qalıb. Azerisport.az maraqlı məqamları diqqətinizə çatdırır:
Bakının “İnter” klubunun məğlubiyyətsiz oyunlar seriyasına son qoyulub. Topaz Premyer Liqasının 26-cı turunda “Qarabağ”a məğlub olan Kaxaber Sxadadzenin yetirmələri 2014-cü ildə ilk dəfə xalsız qalıb.
Bakılılar sonuncu dəfə 86 gün əvvəl “Qarabağ”a 0:2 hesabı ilə uduzmuşdu. Ötən il dekabrın 20-də 18-ci turda səfərdə yenilən “İnter” öz meydanında daha ağır məğlubiyyət alıb - 0:3.
Sonuncu dəfə 2010/11 mövsümündə böyük hesabla uduzan paytaxt təmsilçisi 4 ildən sonra belə nəticəyə üzülüb. “İnter” 1247 gün əvvəl - 2010-cu il oktyabrın 16-da AZAL-la səfər oyununda 5 cavabsız qol buraxmışdı.
(PFL)
