18 mart 2014 11:33
Kamran Ağayev: Mənim nə Rednik, nə də Pantiçlə problemim olmayıb
“Qəbələ”nin qapıçısı Kamran Ağayev azerisport.az saytına müsahibəsində “Bakı” ilə oyundan, komandanın uğursuzluq zolağına düşməsindən danışıb:
- Bakı ilə oyunda “Qəbələ” növbəti dəfə 2 xal itirdi. Problem nədədir?
- Komandanın oyununu təhlil etməliyik. Yalnız bundan sonra danışmaq olar. Nəticə barədə tələsik danışmaq düzgün deyil. “Qəbələ” də qələbə qazanmaq istəyirdi. Alınmadı.
- Keçmiş komandana qarşı oynamaq çətin deyildi?
- Mən oynadığım hər bir komandanın uğurları üçün çalışıram. Gördüyünüz kimi, “Bakı” ilə aramızda heç bir problem yoxdur. Matçdan sonra meydanın yaxınlığında Milinko Pantiçlə görüşdük. Narazılıq yoxdur.
- “Bakı”dan ayrılanda deyirdilər ki, Pantiç səni komandada saxlamaq istəməyib...
- Çox söz deyilir. Əvvəl deyirdilər, guya Redniklə problemim var. Mənim nə Rednik, nə də Pantiçlə problemim olmayıb.
- Zədən nə dərəcədə ciddidir?
- Yəqin, bir həftə oynamayacağam. Kubok matçında çıxış etməyim sual altındadır. Həkimlərdən asılıdır. İmkan olsa, hər zaman oynamağa hazıram. “Bakı” ilə oyunda da ağrılar var idi, amma demirdim.
- Qış transfer pəncərəsindən sonra “Qəbələ” özünə bənzəmir...
- Komandamız hər oyuna qələbə üçün çıxır. Qarşıda 10 tur var. İndidən yekun barədə danışmaq olmaz. Avrokuboklara düşmək özümüzdən asılıdır. Mübarizə aparıb xal qazanmaq lazımdır.
- Mayda yığmanın ABŞ millisinə qarşı yoxlama görüşü var. Rəqib mundialın iştirakçısıdır...
- İndi fikrimiz çempionatdadır. Ona görə çox müsahibə vermək istəmirəm. Biz oyunumuzu oynayırıq. Sözümüzü meydanda deməliyik.
- Azarkeşlərə millinin qapıçısının fikri maraqlıdır. Ona görə bu qədər sual veririk...
- Başa düşürəm. Amma danışmaq istəmirəm. Mənim üçün indi vacib, “Qəbələ”nin uğur qazanmasıdır. Ona görə hər oyunda formada olmağa çalışıram.
- Bakı ilə oyunda “Qəbələ” növbəti dəfə 2 xal itirdi. Problem nədədir?
- Komandanın oyununu təhlil etməliyik. Yalnız bundan sonra danışmaq olar. Nəticə barədə tələsik danışmaq düzgün deyil. “Qəbələ” də qələbə qazanmaq istəyirdi. Alınmadı.
- Keçmiş komandana qarşı oynamaq çətin deyildi?
- Mən oynadığım hər bir komandanın uğurları üçün çalışıram. Gördüyünüz kimi, “Bakı” ilə aramızda heç bir problem yoxdur. Matçdan sonra meydanın yaxınlığında Milinko Pantiçlə görüşdük. Narazılıq yoxdur.
- “Bakı”dan ayrılanda deyirdilər ki, Pantiç səni komandada saxlamaq istəməyib...
- Çox söz deyilir. Əvvəl deyirdilər, guya Redniklə problemim var. Mənim nə Rednik, nə də Pantiçlə problemim olmayıb.
- Zədən nə dərəcədə ciddidir?
- Yəqin, bir həftə oynamayacağam. Kubok matçında çıxış etməyim sual altındadır. Həkimlərdən asılıdır. İmkan olsa, hər zaman oynamağa hazıram. “Bakı” ilə oyunda da ağrılar var idi, amma demirdim.
- Qış transfer pəncərəsindən sonra “Qəbələ” özünə bənzəmir...
- Komandamız hər oyuna qələbə üçün çıxır. Qarşıda 10 tur var. İndidən yekun barədə danışmaq olmaz. Avrokuboklara düşmək özümüzdən asılıdır. Mübarizə aparıb xal qazanmaq lazımdır.
- Mayda yığmanın ABŞ millisinə qarşı yoxlama görüşü var. Rəqib mundialın iştirakçısıdır...
- İndi fikrimiz çempionatdadır. Ona görə çox müsahibə vermək istəmirəm. Biz oyunumuzu oynayırıq. Sözümüzü meydanda deməliyik.
- Azarkeşlərə millinin qapıçısının fikri maraqlıdır. Ona görə bu qədər sual veririk...
- Başa düşürəm. Amma danışmaq istəmirəm. Mənim üçün indi vacib, “Qəbələ”nin uğur qazanmasıdır. Ona görə hər oyunda formada olmağa çalışıram.
