18 mart 2014 15:00
AFFA İK aşağı liqalardakı intizamsızları cəzalandırdı
Bu gün İntizam Komitəsinin iclasında futbol üzrə aşağı liqalar çərçivəsində keçirilmiş oyunlarda baş vermiş neqativ hallara dair cərimə və cəzalar açıqlanıb. Azerisport.az AFFA İK-nın qərarlarını diqqətinizə çatdırır:
13 mart 2014-cü il U-16 Liqasının “Simurq” - “Neftçi” İSM matçının 56-cı dəqiqəsində “Neftçi” İSM klubunun 2 №-li futbolçusu Ənvər Abışov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb.
13 mart 2014-cü il U-16 Liqasının “Qarabağ” - “Əlincə” matçının 72-ci dəqiqəsində “Əlincə” klubunun 4 №-li futbolçusu Adəm Əsgərov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanıb.
15 mart 2014-cü il Coca-Cola U-13 Liqasının UGİM (Saatlı) - “Ağsu” matçının 37-ci dəqiqəsində “Ağsu” klubunun 17 №-li futbolçusu Nicat Nuriyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb.
Oyunun 41-ci dəqiqəsində UGİM (Saatlı) klubunun 10 №-li futbolçusu Şəhriyar Bədirov sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanıb.
15 mart 2014-cü il Coca-Cola U-13 Liqasının “Bakı” - “Neftçi” matçının 14-cü dəqiqəsində “Bakı” klubunun məqçisi Aslan Quliyev hakimləri təhqir etdiyinə görə 5 oyunluq cəzalanıb.
16 mart 2014-cü il Atena U-12 Liqasının “Todo” - “Bakı kəndləri” matçında “Todo” klubu iştirak etmədiyi üçün kluba 0:3 hesablı texniki məğlubiyyət verirlib.
16 mart 2014-cü il Həvəskarlar arasında Azərbaycan birinciliyinin “Boradigah” - “Şirvan” matçının 90+2-ci dəqiqəsində “Şirvan” klubunun 13 №-li futbolçusu Anar Sədriyev aqressiv oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb.
16 mart 2014-cü il Həvəskarlar arasında Azərbaycan birinciliyinin “Gənclik” - “Şəfəq” matçının 25-ci dəqiqəsində “Şəfəq” klubunun 10 №-li futbolçusu Sadiq Eyvazlı aqressiv oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanıb.
(AFFA)
