17 mart 2014 22:44
Qarabağ İnterə qarşı 14-cü məğlubiyyətsiz oyun seriyasına imza atdı
TPL-in 26-cı turu çərçivəsində “İnter” üzərində 3:0 hesabı ilə qələbə qazanmış “Qarabağ” bir çox əlamətdar məqamlarla yadda qalıb. Azerisport.az klub saytına istinadən xəbər verir ki, Corc Leroy mövsümdə səkkizinci qolunu vurduğu halda, Vüqar Nadirov komandanın bu il qola imza atmış ilk azərbaycanlı futbolçusu olub.
“Qarabağ” bu il məğlub olmayan ikinci klubu ardıcıl olaraq məğlub etməyi bacardı. Ötən tur “Bakı” məğlubiyyətlə üzləşmişdi. Ağdamlılar “bankirlər”ə məğlubiyyətsiz oyunlar seriyası 14-ə çatdırdı. Bu qələbə “Qarabağ”ın “İnter” üzərində ilk böyükhesablı qələbəsi olduğu halda, mövsümdə yeddinci böyükhesablı qələbəsi idi”.
