17 mart 2014 17:25
Tərlan Əhmədov: Hədəfim AZAL-ı qara zolaqdan çıxarmaqdı
AZAL-ın baş məşqçisi Tərlan Əhmədovun azerisport.az saytına müsahibəsi
- Yeni təyinat münasibətilə sizi təbrik edirik!
- Sağ olun. Komandaya rəhbərlik etmək təklifi mənə ötən gün edildi. Bu gün rəhbərliklə danışıb bütün detalları müzakirə etdik. Yekunda 2,5 illik müqavilə imzaladıq.
- Qarşınıza hansı vəzifə qoyulub?
- Hazırda komandanı qara zolaqdan çıxarmağımız lazımdı, xal ehtiyatını yaxşılaşdırmalıyıq. Reallıq belədi ki, AZAL-ın bu mövsüm üçün heç bir perspektivi yoxdu. Qalan bütün məsələlərə mövsüm başa çatandan sonra aydınlıq gətiriləcək.
- Bəs AZAL-da sizin öz hədəfləriniz nədən ibarətdi?
- Mən özüm də bu komandada çıxış etmişəm, burada kimin necə işlədiyini bilirəm. Yenidən AZAL-a qayıtdığım üçün şadam. Hədəfim komandaya kömək etməkdi. Bu, əsas hədəfdi.
- Sizi artıq komanda ilə tanış ediblər. Bəs siz bu komandanın üzvlərini nə dərəcədə yaxşı tanıyırsız? AZAL-ın hansısa oyunlarını izləmisiz?
- "Neftçi" ilə son oyunlarına baxmışam. "Qəbələ" ilə görüşü də izləmişdim. Komandada potensial var. Amma üzərində işləməli olduğumuz məsələlər var.
- AZAL-ın "Neftçi"yə qarşı oyunu barədə nə deyə bilərsiz?
- Uduzsalar da, yaxşı oynadılar. Amma unutmamalıyıq ki, rəqib də sıradan komanda deyildi. Futbolçuların meydanda maksimum güc sərf etməyə çalışması yaxşı məqamdı.
- AZAL-ın sabiq baş məşqçisi Vaqif Sadıqov deyir ki, ondan nəticə tələb olunsa da, büdcə buna imkan vermirdi. Bəs siz transfer, maliyyə məsələlərini müzakirə etdinizmi?
- Bu mövsüm komanda mümkün qədər yaxşı çıxış etməyə çalışacaq. Komanda ruhunu, futbolçularda özünəinamı yaxşılaşdırmaq vacibdi. Bu gün transferlərdən danışmaq hələ tezdi. Biz qarşıdakı 10 turda yaxşı nəticə qazanmalıyıq. Buraxılan səhvləri düzəltməliyik.
- Yeni təyinat münasibətilə sizi təbrik edirik!
- Sağ olun. Komandaya rəhbərlik etmək təklifi mənə ötən gün edildi. Bu gün rəhbərliklə danışıb bütün detalları müzakirə etdik. Yekunda 2,5 illik müqavilə imzaladıq.
- Qarşınıza hansı vəzifə qoyulub?
- Hazırda komandanı qara zolaqdan çıxarmağımız lazımdı, xal ehtiyatını yaxşılaşdırmalıyıq. Reallıq belədi ki, AZAL-ın bu mövsüm üçün heç bir perspektivi yoxdu. Qalan bütün məsələlərə mövsüm başa çatandan sonra aydınlıq gətiriləcək.
- Bəs AZAL-da sizin öz hədəfləriniz nədən ibarətdi?
- Mən özüm də bu komandada çıxış etmişəm, burada kimin necə işlədiyini bilirəm. Yenidən AZAL-a qayıtdığım üçün şadam. Hədəfim komandaya kömək etməkdi. Bu, əsas hədəfdi.
- Sizi artıq komanda ilə tanış ediblər. Bəs siz bu komandanın üzvlərini nə dərəcədə yaxşı tanıyırsız? AZAL-ın hansısa oyunlarını izləmisiz?
- "Neftçi" ilə son oyunlarına baxmışam. "Qəbələ" ilə görüşü də izləmişdim. Komandada potensial var. Amma üzərində işləməli olduğumuz məsələlər var.
- AZAL-ın "Neftçi"yə qarşı oyunu barədə nə deyə bilərsiz?
- Uduzsalar da, yaxşı oynadılar. Amma unutmamalıyıq ki, rəqib də sıradan komanda deyildi. Futbolçuların meydanda maksimum güc sərf etməyə çalışması yaxşı məqamdı.
- AZAL-ın sabiq baş məşqçisi Vaqif Sadıqov deyir ki, ondan nəticə tələb olunsa da, büdcə buna imkan vermirdi. Bəs siz transfer, maliyyə məsələlərini müzakirə etdinizmi?
- Bu mövsüm komanda mümkün qədər yaxşı çıxış etməyə çalışacaq. Komanda ruhunu, futbolçularda özünəinamı yaxşılaşdırmaq vacibdi. Bu gün transferlərdən danışmaq hələ tezdi. Biz qarşıdakı 10 turda yaxşı nəticə qazanmalıyıq. Buraxılan səhvləri düzəltməliyik.
