15 mart 2014 12:22
Marat İzmaylov: Syominlə münasibətlərimin pozulması haqda məlumat, 100 faiz uydurmadır
“Qəbələ”nin yarımmüdafiəçisi Marat İzmaylov azerisport.az saytına açıqlamasında komandanın baş məşqçisi Yuri Syominlə münasibətləri haqda gəzən şayiələrə aydınlıq gətirib:
“Məşqçi ilə münasibətlərimin pozulması haqda məlumat, 100 faiz uydurmadır. Mənim onunla heç vaxt ixtilaflarım olmayıb. Yuri Palıça hörmətim böyükdür. Onun bütün qərarlarına hörmət edirəm. Əgər o, məni ehtiyat oyunçular skamyasında saxlamağı qərara alıbsa, mən bunu hörmətlə qarşılayıram və heç zaman narazılıq etmərəm. Sizi əmin edə bilərəm ki, bu, şayiələrdən başqa heç nə deyil. Bizim gözəl münasibətlərimiz var. Bu barədə deyəcək başqa sözüm yoxdur”.
