14 mart 2014 18:25
İnter Neftçidən daha üstün oynayıb
“İnStat Football” şirkəti “İnter”in futbolçularının fiziki fəallığı haqqında məlumatları təqdim edib. Azerisport.az xəbər verir ki, Azərbaycan Kubokunun 1/4 final mərhələsinin ilk görüşü olan “İnter” - “Neftçi (1:1) oyununda bu komandanın futbolçuları 111,5 kilometr məsafə qət ediblər.
Bu matçda "bankirlər"in heyətində ən çox məsafə qət edən beş futbolçu ilə sizi tanış edirik:
Bu matçda "bankirlər"in heyətində ən çox məsafə qət edən beş futbolçu ilə sizi tanış edirik:
|
№
|
Adı
|
Məsafə
|
|
1
|
Ruslan Əmircanov
|
11685 m.
|
|
2
|
Abdulla Abatsiyev
|
11493 m.
|
|
3
|
Derlis Meza Kolli
|
10984 m.
|
|
4
|
Vaqif Cavadov
|
10712 m.
|
|
5
|
Sezar Meza Kolli
|
10521 m.
|
"İnStat Football" şirkəti Azərbaycan Kubokunun 1/4 final mərhələsi çərçivəsində keçirilən “İnter” - “Neftçi” matçının statistik göstəricilərini də təqdim edib. "İnter" qonaqları bir çox göstəricilərə görə qabaqlayıb. 90 dəqiqə ərzində “İnter” rəqibin qapısına 20 zərbə endirib, “Neftçi” isə 5 zərbəylə fərqlənib. Bununla yanaşı, meydan sahibləri çərçivəni 3 dəfə, qonaqlar isə cəmi 2 dəfə dəqiq nişan alıblar.
Ötürmələrdə də üstünlük “İnter”in tərəfindədi. Belə ki, oyun ərzində "bankirlər" 442-si dəqiq olan 529 ötürməylə fərqlənib. “Neftçi” isə cəmi 321 ötürmə edib və bunlardan 249-u dəqiq olub. Beləliklə, “İnter” dəqiq ötürmələrdə rəqibini demək iki dəfə üstələyib.
Eyni mənzərəni taktiki-texniki hərəkətlərdə də müşahidə etmək olar: 633-ü dəqiq olan 867 hərəkət . Bu rəqəm “Neftçi”də belədi - 442-i dəqiq olan 656 hərəkət.
Topa sahib olmaqda da “İnter” öndədi. 38 faizə qarşı 62 faiz. “İnter”in futbolçuları 168 mübarizənin 86-da qalib gəliblər, “Neftçi”nin oyunçularıysa bundan 4 dəfə az göstəriciyə malikdilər.
Kaxaber Sxadadzenin yetirmələri oyun ərzində 93 hücumla fərqləniblər, qonaqlar isə 83 hücum təşkil ediblər. “İnter” cinahlardan rəqibindən daha çox yararlanıb. Komanda 48 hücumu cinahlardan təşkil edib. “Neftçi” isə 33 hücuma cinahlardan keçib.
