12 mart 2014 21:12
Böyükağa Hacıyev: Ümumilikdə, komanda yorğun görünürdü
“Neftçi”nin baş məşqçisi Böyükağa Hacıyev ölkə Kubokunun ilk dörddəbir final oyunu çərçivəsində komandasının “İnter”ə qarşı keçirdiyi oyundan (1:1) sonra, oyun haqda fikirlərini bildirib. Azerisport.az xəbər verir ki, Hacıyev bunları söyləyib:
“Kubok oyunları adətən ağır olur, mərhələ adlamaq üçün iki oyun oynayırsan. 1:1 hesablı bərabərlik bizim xeyrimizədir. Əsas odur ki, səfər oyununda qol vurduq. Düzdür, üstünlüyü saxlaya bilmədik. Bunun əsas səbəblərindən biri də, üç gün öncə “Qəbələ” ilə səfərdə ağır oyun keçirməyimizdir. “İnter” isə bizdən bir gün öncə oynamışdı. İrəliyə nikbin baxırıq, cavab oyununda bütün suallara aydınlıq gələcək. Flavinyonun sabit oyun göstərməyinə alışmışıq, o da insandır. Bu gün imkanlarından aşağı oynaması haqqında onunla söhbət edəcəyəm. Ümumilikdə, komanda yorğun görünürdü. Bir əvəzetmə ilə oyun sxemini dəyişdim. Məqsədim mərkəzi gücləndirmək idi. Bərabərlik qismət idi, səfərdə qol vurduq, məğlub olmadıq”.
(PFL)
