12 mart 2014 20:33
İnterin futbolçuları PFL mühafizəsi ilə mübahisə ediblər
“İnter” futbolçuları ölkə Kubokunun ilk dörddəbir final oyunu çərçivəsində “Neftçi”yə qarşı keçirilən oyunda hakim Əliyar Ağayevin idarəçiliyindən narazı qalıblar. Azerisport.az xəbər verir ki, buna səbəb, oyunun birinci hissəsinin sonlarında Ağayevin “İnter”in qapısına təyin etdiyi penalti qərarı olub.
“Bankirlər” fasilədə hakimə öz iradlarını bildiriblər. Bundan sonra PFL-in mühafizə xidməti ilə onlar arasında mübahisə yaranıb.
Xatırladaq ki, penaltini icra etmiş Araz Abdullayevin zərbəsindən sonra top qapı dirəyinə dəymişdi.
