10 mart 2014 13:40
Böyükağa Hacıyev: İnterə qalib gəlməyin yollarını bilirik
“Neftçi”nin baş məşqçisi Böyükağa Hacıyev azerisport.az saytına açıqlamasında komandasının Azərbaycan Kubokunun ilk 1/4 final görüşü çərçivəsində “İnter”ə qarşı keçirəcəyi oyun haqda danışıb:
“Mən demişdim ki, cəzalılar qayıtsın və siz əvvəlki “Neftçi”ni görəcəksiniz. Komandada vəziyyət yaxşıdır. Azərbaycan Kubokuna hazırlaşırıq. “İnter”lə oyunda qol buraxmamaq, əsas olacaq. İmkan düşsə, qol vursaq, daha yaxşı olar. Kubok matçında hər şey iki oyunda həll olur. Ona görə biz də vəsiqəni cavab matçında qazanmağa çalışacağıq. “İnter”dən çəkinmirik. Onlara necə qalib gəlməyin yolunu bilirik”.
