9 mart 2014 11:47
Cavid Hüseynov: Gümüş medal da pis nəticə olmaz
"Bakı"nın futbolçusu Cavid Hüseynov azərisport.az saytına müsahibəsində Topaz Premyer Liqasında növbəti turdan, "Qarabağ"ın futbolçuları Rəşad Sadıqovla Riçard Almeydadan danışıb.
- Yığmayla Dubay toplanışının ardınca Premyer Liqaya hazırlaşmaq çətin olmayacaq?
- Heç bir çətinlik yoxdu. Bir qədər yol yorğunluğu hiss olunur. O da 1 gün ərzində keçir. Çalışacağıq heç bir çətinlik olmasın. Artıq martın 6-dan Bakının məşqlərində iştirak edirəm. Komanda böyük ruh yüksəkliyi ilə "Qarabağ"la oyuna hazırlaşır. Bu, bizim işimizdi. Ona görə işimizi layiqli görməliyik.
- Son turda "Sumqayıt"la görüşdən qolsuz bərabərliylə ayrılmağınız irəliləməyə mane oldu. Komandanın stabil oynamasında əsas problem nədədi?
- "Bakı"da heç bir problem yoxdu. Komanda hər oyuna qələbə üçün çıxır. Sadəcə, bəzən istədiyimiz alınmır. "Sumqayıt"la görüşdə qol şanslarımız olsa da fərqlənə bilmədik. Xal itkisi barədə çox düşünmürük. Qarşıdan "Qarabağ"la daha çətin oyun gəlir. Lider bizimlə sona qədər mübarizə aparacaq. Bu oyundan qalib ayrılsaq mövqeyimiz nisbətən yaxşılaşacaq.
- "Qarabağ"ın lider olması işinizi çətinləşdirir və ya əksinə?
- "Qarabağ" liderliyə layiq oyun nümayiş etdirir. Son turlar yaxşı oyunla qələbə qazanır. Bununla komandanın lider olmasında təəccüblü heç bir şey yoxdu. Yaxşı futbolçulardan qurulub. Legionerləri hər matçda maksimum oyun sərgiləyir. Amma "Bakı" da zəif deyil. "Qarabağ"ı məğlub etməyə gücümüz çatacaq. Biz rəqibdən geri qalmadığımızı göstərəcəyik.
- "Bakı" "Qarabağ" üzərində necə qələbə qazana bilər?
- Bunun üçün ilk növbədə Rəşad Sadıqovu nəzarətdə saxlamaq lazımdır. Əgər "Qarabağ"ı məğlub etmək istəyiriksə, Sadıqova rahat oynamağa imkan verməməliyik. Rəşad təcrübəli olmağıyla yanaşı həm də komandanın lideridi. Onun meydanda işi çox olur. Lazım olanda komanda yoldaşlarına kömək edir. Sadıqovun meydanda olması bizə əlavə problem yarada bilər.
- Komandanın bütövlüklə Rəşad Sadıqovdan asılı olduğunu demək düzgün olmaz...
- Fikrimcə, Sadıqovla Almeyda bu gün "Qarabağ"ın uğurlarında çox böyük rolu var. Heç kimin əməyini kiçiltmək istəməzdim. Amma Almeyda tez bir zamanda heyətə uyğunlaşdı. Sadıqovla birgə komandanın onurğa sütünlarından sayılır. Əgər Sadıqovla Almeydanı nəzarətdə saxlamağı bacarsaq, "Qarabağ"ı məğlub etmək olar.
- "Bakı" "Qarabağ"dan 8 xal geri qalır. Yəqin, razılaşarsan, əgər qalib gəlsəniz çempionluq şansınız artacaq...
- Çempionluq hər zaman bizim üçün hədəf olub. Cari mövsümün əvvəlində bu qədər xal itirməsəydik indi bəlkə də lider biz idik. Öz səhvlərimizi düzəltməyi bacardıq. Qış fasiləsindən sonra komanda toparlandı və layiqli oyun sərgilədi. 8 xal o qədər çox deyil, lakin az da adlandırmaq olmaz. Bu görüşdə məğlub olsaq geri düşəcəyik. Ona görə qələbə qazanmaq vacibdir. İlk 5 komandanın çempionluq şansları qalmaqdadı.
- Sən komandanı hansı yerə layiq görürsən?
- "Bakı" hər zaman liderlər sırasında olub. Cari mövsümü üst pillələrdə başa vurmaq istərdik. Heç olmasa ikinci yerdə olsaq yaxşı olar. Gümüş medal da pis nəticə olmaz. Əsas ümidlərimizdən biri Azərbaycan Kubokudu. "Bakı" adətən kubok yarışlarında daha yaxşı çıxış edir. Ona görə Azərbaycan Kubokunda qələbə qazanmaq istəyirik.
- Yığmayla Dubay toplanışının ardınca Premyer Liqaya hazırlaşmaq çətin olmayacaq?
- Heç bir çətinlik yoxdu. Bir qədər yol yorğunluğu hiss olunur. O da 1 gün ərzində keçir. Çalışacağıq heç bir çətinlik olmasın. Artıq martın 6-dan Bakının məşqlərində iştirak edirəm. Komanda böyük ruh yüksəkliyi ilə "Qarabağ"la oyuna hazırlaşır. Bu, bizim işimizdi. Ona görə işimizi layiqli görməliyik.
- Son turda "Sumqayıt"la görüşdən qolsuz bərabərliylə ayrılmağınız irəliləməyə mane oldu. Komandanın stabil oynamasında əsas problem nədədi?
- "Bakı"da heç bir problem yoxdu. Komanda hər oyuna qələbə üçün çıxır. Sadəcə, bəzən istədiyimiz alınmır. "Sumqayıt"la görüşdə qol şanslarımız olsa da fərqlənə bilmədik. Xal itkisi barədə çox düşünmürük. Qarşıdan "Qarabağ"la daha çətin oyun gəlir. Lider bizimlə sona qədər mübarizə aparacaq. Bu oyundan qalib ayrılsaq mövqeyimiz nisbətən yaxşılaşacaq.
- "Qarabağ"ın lider olması işinizi çətinləşdirir və ya əksinə?
- "Qarabağ" liderliyə layiq oyun nümayiş etdirir. Son turlar yaxşı oyunla qələbə qazanır. Bununla komandanın lider olmasında təəccüblü heç bir şey yoxdu. Yaxşı futbolçulardan qurulub. Legionerləri hər matçda maksimum oyun sərgiləyir. Amma "Bakı" da zəif deyil. "Qarabağ"ı məğlub etməyə gücümüz çatacaq. Biz rəqibdən geri qalmadığımızı göstərəcəyik.
- "Bakı" "Qarabağ" üzərində necə qələbə qazana bilər?
- Bunun üçün ilk növbədə Rəşad Sadıqovu nəzarətdə saxlamaq lazımdır. Əgər "Qarabağ"ı məğlub etmək istəyiriksə, Sadıqova rahat oynamağa imkan verməməliyik. Rəşad təcrübəli olmağıyla yanaşı həm də komandanın lideridi. Onun meydanda işi çox olur. Lazım olanda komanda yoldaşlarına kömək edir. Sadıqovun meydanda olması bizə əlavə problem yarada bilər.
- Komandanın bütövlüklə Rəşad Sadıqovdan asılı olduğunu demək düzgün olmaz...
- Fikrimcə, Sadıqovla Almeyda bu gün "Qarabağ"ın uğurlarında çox böyük rolu var. Heç kimin əməyini kiçiltmək istəməzdim. Amma Almeyda tez bir zamanda heyətə uyğunlaşdı. Sadıqovla birgə komandanın onurğa sütünlarından sayılır. Əgər Sadıqovla Almeydanı nəzarətdə saxlamağı bacarsaq, "Qarabağ"ı məğlub etmək olar.
- "Bakı" "Qarabağ"dan 8 xal geri qalır. Yəqin, razılaşarsan, əgər qalib gəlsəniz çempionluq şansınız artacaq...
- Çempionluq hər zaman bizim üçün hədəf olub. Cari mövsümün əvvəlində bu qədər xal itirməsəydik indi bəlkə də lider biz idik. Öz səhvlərimizi düzəltməyi bacardıq. Qış fasiləsindən sonra komanda toparlandı və layiqli oyun sərgilədi. 8 xal o qədər çox deyil, lakin az da adlandırmaq olmaz. Bu görüşdə məğlub olsaq geri düşəcəyik. Ona görə qələbə qazanmaq vacibdir. İlk 5 komandanın çempionluq şansları qalmaqdadı.
- Sən komandanı hansı yerə layiq görürsən?
- "Bakı" hər zaman liderlər sırasında olub. Cari mövsümü üst pillələrdə başa vurmaq istərdik. Heç olmasa ikinci yerdə olsaq yaxşı olar. Gümüş medal da pis nəticə olmaz. Əsas ümidlərimizdən biri Azərbaycan Kubokudu. "Bakı" adətən kubok yarışlarında daha yaxşı çıxış edir. Ona görə Azərbaycan Kubokunda qələbə qazanmaq istəyirik.
