8 mart 2014 17:48
Güvənc Kurtar: Məşqçinin bəhanəsi olmamalıdır
“Rəvan”ın baş məşqçisi Güvənc Kurtar komandasının TPL-in 25-ci turu çərçivəsində “Xəzər Lənkəran”a qarşı keçirdiyi oyundan (2:1) sonra, oyun haqda fikirlərini açıqlayıb. Azerisport.az xəbər verir ki, Kurtar bunları söyləyib:
”Xəzər Lənkəran” oyuna yaxşı başladı. Rəqib əla komandadır, bizdən çox güclüdür. Buraxılan qoldan sonra toparlandıq, bərabərlik qolundan sonra isə oyunumuzu əks-hücumlar üzərində qurduq. Komandam yaxşı mübarizə apardı. Yeni komanda yaradırıq, iki yeni oyunçumuz gəldi. Qapıçımız Kamal Bayramov bu gün yaxşı oynadı. Gənc futbolçuları yetişdirmək istəyirik. Qarşıdakı kubok oyununa ciddi hazırlaşacağıq, növbəti mərhələyə adlamaq istəyirik. KİV-də mənim barəmdə yazılanları oxumamışam. Buraya futbol adına nə isə etmək üçün gəlmişəm, getmək barədə düşünmürəm. Futbolçuların düzgün qidalanmasına nəzarət edirik. Gənc futbolçulardan Novruz Məmmədov öz üzərində işləsə, yaxşı futbolçu olacaq. Hamı nəticəyə baxır. Uğursuz olaramsa, rəhbərlik məni göndərər. Məşqçinin bəhanəsi olmamalıdır. Nəticə varsa, işinə davam etməlidir, əks halda getməlidir”.
(PFL)
