7 mart 2014 15:22
Şenes Erzik: Dənizli və Kurtar Azərbaycan futboluna kömək olacaqlar
UEFA-nın vitse-prezidenti Şenes Erzik bu gün AFFA-nın Konfransında iştirak edib və Azərbaycan futbolu haqda fikirlərini bildirib. Azerisport.az Erziyin fikirlərini diqqətinizə çatdırır:
“Mən Bakıya bir məqsədlə gəlmişəm: konfransda iştirak. Burada mən UEFA-nın təmsilçisiyəm”, deyə Erzik söz başlayıb.
O, azərbaycanlı hakimlərin işinə toxunub: “Sizin hakimlərə təcrübə lazımdır. Əvvəllər bu, türkiyəli hakimlərdə də yox idi. Bu, uzun bir yoldur. Sizə tələsmək gərək deyil. Hələ 20 il qabaq bu gün Azərbaycanda olanlar, o zaman yox idi”.
AÇ-2020-nin bir sıra oyunlarının keçirilməsinin mümkünlüyünə gəlincə, Erzik qeyd edib ki: “Oyunların keçirilməsini nəzərdə tutan sizin olimpiya stadionunuz hələlik tikilir. AÇ-2020-nin final mərhələsinin bir sıra oyunlarının Bakıda keçirilməsi şanslarına gəlincə, sizin də digər namizədlər kimi, şanslarınız var. Həmçinin, siz bir müddət əvvəl, 17 yaşa qədər qızlar arasında DÇ-ni qəbul etmişiniz. Ancaq şəxsən mən sizə heç nə ilə kömək edə bilmərəm. Mən UEFA-da bu işlə məşğul olmuram”.
UEFA vitse-prezidentinin sözlərinə görə, o, Azərbaycanda işləyən türk məşqçilərin yerli futbola kömək olacağına inanır: “Mən bilirəm ki, Mustafa Dənizli və Güvənc Kurtar Azərbaycanda işləyir. Bu mütəxəssislər Türkiyədə az uğur qazanmayıb və Türkiyə futbolunun dirçəlməsinə kömək olublar. Əminəm ki, onlar Azərbaycanda da buna nail olacaqlar”.
