5 mart 2014 17:33
Andrey Kançelskis Bakıda işləməyinin mümkünlüyü haqda məlumatı şərh edib
Ötən illərin məşhur rusiyalı futbolçusu Andrey Kançelskis Azərbaycanda səfərdə olub və “Bakı” rəhbərləri ilə görüşüb. Azerisport.az xəbər verir ki, bu görüşdən sonra mütəxəssisin “Bakı”nın sükanı arxasında Milinko Pantiçi əvəzləyəcəyi ilə bağlı söz-söhbət yayılıb.
“Bu yanlış məlumatdır. Mən həqiqətən də Bakıya gəmişəm. Ancaq məqsədim yerli kluba məşqçilik etmək olmayıb. İş dalınca gəlmişəm və fürsətdən istifadə edib dostlarımla görüşmüşəm. Yeri gəlmişkən, dostlarım vasitəsi ilə “Bakı” klubunun rəhbərləri ilə görüşmüşəm. Ancaq bu görüşdə komandada işləmək haqda söhbət olmayıb”, deyə Andrey Kançelskis İTAR-TASS agentliyinə bildirib.
Xatırladaq ki, Andrey Kançelskis futbolçu karyerasını 2007-ci ildə bitirib. “Torpedo-ZİL” və “Ufa” komandalarında baş məşqçi işləyib. Ötən mövsüm isə “Volqa” klubunda məşqçi və icraçı direktorun müşaviri vəzifəsində işləyib.
