5 mart 2014 15:11
Filippin yığmasının kapitanı: Azərbaycan yığması ötürmələrdə yaxşı oynayır
Filippin yığmasının kapitanı Rob Gier Azərbaycan yığmasına qarşı bu gün keçiriləcək yoldaşlıq oyunu haqda fikirlərini bildirib. Azerisport.az xəbər verir ki, Gier yerli Filippin KİV-nə bunları söyləyib:
“Azərbaycanlılar topla yaxşı və sürətlə davranırlar. Onlar ötürmələrdə yaxşı oynayır və meydanda düzgün mövqe seçirlər. Bu oyun bizim yığmanın hansı səviyyədə olduğunu bilmək üçün yaxşı yoxlama olacaq. Çətin oyun olacaq. Əgər Azərbaycan yığmasına qarşı yaxşı oynasaq, düşünürəm ki, Asiya komandalarına qarşı da yaxşı oynaya biləcəyik”.
