4 mart 2014 23:32
Aleksey Popov: Bakıda Dördlər finalında oynamaq maraqlı olacaq
“Araz”ın yeni qapıçısı Aleksey Popov azerisport.az saytına açıqlamasında özünün komandaya keçidi və UEFA Kuboku haqda danışıb:
“Artıq bir həftədir ki, komanda ilə məşq edirəm. Başa düşürəm ki, məni avrokubokun həlledici mərhələsi üçün götürüblər. Mən özüm də UEFA Kubokunda oynamaq üçün komandaya keçmişəm. Bakıda Dördlər finalında oynamaq maraqlı olacaq. Axı bu, sizin ölkəniz üçün evdə keçirdiyiniz ilk dördlər finalıdır. Əminəm ki, ajiotaj böyük olacaq. Komandaya mütləq xeyir gətirmək istəyirəm. Mən 2007-ci ildə Moskva “Dinamo”su ilə bu yarışı qazanmışam və “Araz”la da uğur qazanmaq istərdim. Bəli, biz favorit deyilik. Ancaq bu yarışı heç də həmişə ən güclü komandanın qazanmadığına dair çoxlu misallar var”.
