4 mart 2014 17:22
Bolqarıstan yığmasının kapitanı: Təsnifat mərhələsinə Azərbaycan yığması üzərinə qələbə ilə başlamaq lazımdı
Bolqarıstan yığmasının kapitanı İvelin Popov komandasının AÇ-nin təsnifat mərhələsində qrupdakı şansları haqda danışıb. Azerisport.az xəbər verir ki, Popov yerli KİV-ə bunları söyləyib:
“Ötən təsnifat mərhələsində çoxları bizim favoritlərlə başa-baş mübarizə aparacağımıza inanmırdı. Onların arasında İtaliya yığması da vardı. Son iki tur qalmış biz qrup ikincisi idik. Ancaq sonra, şansımızı qaçırdıq. İndiki qrupda belə çətindir. Ancaq hesab edirəm ki, nəticə bizim üçün bu dəfə başqa olacaq. Təsnifata yaxşı başlamaq vacibdir. İlk oyunda Azərbaycan yığması üzərində səfərdə, sentyabrın 9-da qələbə qazanmalıyıq. Bu uğur Xorvatiya və Norveç yığmalarına qarşı keçiriləcək sonrakı iki oyuna yaxşı köklənməyə kömək edəcək. Təsnifat mərhələsinin başlanmasına hələlik yarım il var. Həmçinin, İtaliya və Xorvatiya yığmalarının DÇ-də çıxışına baxmaq lazımdır. Sonra rəqibləri təhlil etmək gərəkdir”.
