1 mart 2014 19:22
Atletiko və Bakı - əməkdaşlığa davam
Bu gün Madriddə yerli “Atletiko” klubunun rəsmiləri ilə “Bakı” klubunun təmsilçiləri arasına görüş keçirilib. Azerisport.az İspaniya KİV-nə istinadən xəbər verir ki, “Visente Kalderon” stadionunun VIP zalında keçirilmiş görüşdə tərəflər arasında əməkdaşlıq 30 iyun 2015-ci ilə qədərə rəsmən uzadılıb.
Beləliklə, “Atletiko” ölkəmizi reklam etməkdə davam edəcək.
Qeyd edək ki, görüşdə “döşəkçilər”in prezidenti Enrike Serezo, Azərbaycanın İspaniyadakı səfiri Altay Əfəndiyev, “Bakı”nın icraçı direktoru Yaşar Seyidov və digər rəsmi şəxslər iştirak edib.
Xatırladaq ki, bundan əvvəl keçirilmiş London görüşündə tərəflər əməkdaşlığa davam haqda şifahi razılığa gəlmişdilər.
