28 fevral 2014 19:22
Böyükağa Hacıyev: Bu, PFL-in arzuladığı Neftçidir
TPL-in “Neftçi” və “Qarabağ” arasında keçirilmiş 24-cü tur oyunundan (1:4) sonra “Neftçi”nin baş məşqçisi Böyükağa Hacıyev oyun haqda fikirlərini bildirib. Azerisport.az xəbər verir ki, Hacıyev bunları söyləyib:
“Xəzər Lənkəran”la oyundan sonra müdafiədə problemlərimiz var. Dörd oyunçunun yoxluğunu əvəzləmək çətin idi. Bu, PFL-in arzuladığı “Neftçi”dir - məğlub olmuş “Neftçi”. Araz Abdullayev nə üçün qovulduğu mənə maraqlıdır. Xaqani Məmmədov yaxşı hakimlik haqda danışır. Hanı? Epizodların birində Almeyda qovulmalı idi. Onlar “Neftçi”ni 6-7-ci sırada görmək istəyirlər. Bu adamlar nə vaxtsa “Neftçi”də həmin zirvələri fəth edə bilməyiblər və indi komandanı belə vəziyyətə yuvarlayırlar. Onlar bizə qarşı çox amansızdırlar. “Qarabağ”a gəlincə, qələbə münasibəti ilə onları təbrik edirəm. Allah qoysa, çempion olub bizim avrokuboklardakı uğurlarımızı təkrarlasınlar”.
