27 fevral 2014 12:00
İskəndər Cavadov Marat İzmaylovdan danışdı
Veteran futbolçu İskəndər Cavadov azerisport.az saytına açıqlamasında Azərbaycan klublarında çıxış edən legionerləri tənqid edib. Onun fikrincə, klublar legioner seçimində səhvə yol verir:
"Azərbaycan çempionatının oyunlarını izləyirəm. Amma legioner oyununu görmürəm. Azərbaycan futbolçusundan bir neçə dəfə fərqlənən legioner yoxdur. Oyunu ilə diqqəti cəlb edən xarici futbolçu yoxdur. Bir-iki qolla ulduz olmaq mümkün deyil. Deməli, seçim düzgün deyil. Yalnız Marat İzmaylovu qeyd etmək olar. Bu futbolçu böyük təcrübəyə malikdir. İndi ideal formada olmasa da, “Qəbələ”nin uğurlarında onun da rolu var. Bir neçə oyundan sonra İzmaylovdan daha yaxşı oyun gözləyirəm. Klublarımızda İzmaylov kimi bir neçə futbolçu olsaydı, yaxşı olardı".
