27 fevral 2014 14:11
Çempionatımızda 2350 gun əvvəl baş vermiş hadisə təkrarlanıb
Topaz Premyer Liqasının 23-cü turunda Qəbələdə yerli komanda “Rəvan”la qarşılaşdı. Azerisport.az xəbər verir ki, qolsuz heç-heçə ilə başa çatan oyunda “Qəbələ” iki dəfə 11 metrlik cərimə zərbəsindən istifadə edə bilməyib.
Lorenzo Ebesilio və Leonardo da Silvanın zərbələrini paytaxt klubunun qapıçısı Lukaş Sapela dəf edə bilmişdi.
Azərbaycan çempionatında soncuncu belə hadisə - 2350 gün əvvəl qeydə alınıb. 2006/07-ci il mövsümünün 5-ci turunda Qəbələdə keçirilmiş “Gilan” - “Karvan” (1:4) oyununda ev sahibi komanda iki dəfə 11 metrlik cərimə zərbəsindən istifadə edə bilməyib. 16-cı dəqiqədə Samir Zərgərovun zərbəsini “Karvan”ın qapıçısı Elxan Həsənov dəf edib, 59-cu dəqiqədə isə İbrahim Hüseynov çərçivədən yayınıb.
(PFL)
