26 fevral 2014 17:11
Tərlan Əhmədov: Bilirdim ki, İtaliya ilə düşsək, hamı avtoqolumu xatırlayacaq
Millimizin sabiq kapitanı Tərlan Əhmədov azerisport.az saytına açıqlamasında İtaliya ilə oyunda vurduğu avtoqolu xatırlayıb:
“həmişə bilirdim ki, nə vaxtsa yenidən İtaliya ilə düşsək, hamı 2002-ci ildə vurduğum avtoqolumu xatırlayacaq. Futbol həyatında elə anlar var ki, insanlar xatırlamır. Bundan heç bir futbolçu sığortalanmayıb. Mən sadəcə, komanda yoldaşımın səhvini sığortalamaq istəyirdim. Buna görə də həmişə püşk zamanı deyirdim: İtaliyadan başqa istənilən rəqib. İstəmirəm ki, oxşar hal millimizin hər hansı oyunçusunun başına gəlsin. Baxmayaraq ki, mənim haqda onsuz da unudacaqlar. Mənim qolum artıq tarixdir və bu. Güman ki, taleyin hökmü idi”.
