25 fevral 2014 16:44
Yunis Hüseynov: Millimiz nəinki AÇ-2020, heç AÇ-2042-yə də düşməyəcək
Veteran futbolçu Yunis Hüseynov azerisport.az saytına açıqlamasında futbol üzrə milli komandamızın 2016-cı ildə keçiriləcək Avropa çempionatının seçmə mərhələsindəki şanslarını dəyərləndirib. Onun sözlərinə görə Berti Foqtsun komandasının 3-cü yeri tutmaq arzusu reallığa söykənmir:
"Püşkdə bəxtimiz gətirmədi. Rəqiblərimiz güc futbolu nümayiş etdirir. Amma onlarla oynamaq çətin olacaq. Nə qədər xal toplayacağımız vacib deyil. 9 olmasın, olsun 11 xal. Bu nəyi dəyişir? Azərbaycan millisi qrupda 4-5-ci yerlər uğrunda mübarizə aparacaq. Başqa əlacımız yoxdur. Yalandan vəd vermək olmaz. Gah deyirlər Avro-2016-yə düşəcəyik, sonra da deyirlər ki tərcümə düzgün olmayıb. Necə olur ki, 5-6 il tərcümə düz olmur. Həqiqəti demək lazımdır ki, qrupda 4-5-ci yerlər uğrunda yarışacağıq. Potensialımız budur. Futbol adamları bilir ki, millimiz AÇ-2016-da mübarizə aparmayacaq. Azərbaycan yığması bu gedişlə heç AÇ-2042-yə düşməyəcək. Gərək çempionat bizim ölkədə keçirilsin".
