25 fevral 2014 13:22
AFFA İK-dan növbəti cəza dalğası
Bu gün İntizam Komitəsinin növbəti iclası keçirilib. Azerisport.az xəbər verir ki, iclasda TPL-də baş vermiş neqativ hallara dair aşağıdakı qərarlar qəbul edilib:
Topaz Premyer Liqasının XXIII turunun AZAL – “Xəzər Lənkəran” matçının 90+1-ci dəqiqəsində AZAL klubunun 3 №-li futbolçusu Aleksandr Şemonayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunub.
Topaz Premyer Liqasının XXIII turunun “Qəbələ” – “Rəvan” matçında “Qəbələ” klubunun 4, “Rəvan” klubunun 7 futbolçusu sarı vərəqə cəzalandığı üçün hər iki klub 1000 manat cərimə olunub.
Oyunun 74-cü dəqiqəsində “Rəvan” klubunun 1 №-li futbolçusu Lukas Sapela qeyri-etik jest göstərdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 2000 manat cərimə olunub.
(PFL)
