24 fevral 2014 00:44
Georgi Nikolov: Azərbaycan və Bolqarıstanın eyni qrupa düşməsi kefimi pozdu
“İnter”in prezidenti Georgi Nikolov azerisport.az saytına açıqlamasında AÇ-2016-nın təsnifat mərhələsində yığmamızın yer aldığı “H” qrupunda Bolqarıstan millisinin də yer almasına münasibətini bildirib:
“Azərbaycan və Bolqarıstanın eyni qrupa düşməsi kefimi pozdu. Bunu istəmirdim. Bu, iki maraqlı oyun olacaq. Qoy güclü qalib gəlsin. Düşünmürəm ki, Azərbaycan millisi Bolqarıstandan üç xal aparsın. Belə ki, öz meydanında Bolqarıstan yığması yaxşı oynayır. Bakıda isə xallara ümid edə bilərik. Bolqarıstan 90-cı illərdə olduğu kimi güclü deyil. Ancaq komandanın iddiaları böyükdür. Ümid edirəm ki, Azərbaycan və Bolqarıstan qrupdan çıxmaq uğrunda mübarizə aparacaq. Ancaq bu, asan olmayacaq. Qrupda aşkar favorit - İtaliya var. Xorvatiya və Norveç yığmaları da həmçinin, güclüdür. Maltanı da qiymətləndirməmək olmaz”.
